Tíðindi
Koyrikort til lítil prutl
Seinastu árini hevur verið møguligt at taka koyrikort til lítil prutl sum eitt skeið í Stranda kvøldskúla. Áhugin fyri hesum skeiði hevur verið sera stórur, og tí hava tvey skeið verið fyriskipað á hvørjum ári - eitt um várið og eitt um heystið.
Nú tað aftur várar, eru vit klár við nýggjum skeiði. Skeiðið byrjar mánadagin 22. apríl kl. 17.
Niðanfyri ber til at lesa meir um skeiðið:
Mannagongd
- Frálæran er løgd til rættis við 27 skúlatímum á 45 minuttir hvør. 15 tímar í ástøðisfrálæru og 12 tímar í verkligari koyrifrálæru.
- Er tú undir 18 ár, krevst at tú hevur verið á skeið í fyrstuhjálp. Fyrstuhjálparskeið er við í frálæruni, og fevnir tað um 8 tímar í frálæru. 4 tímar í grundleggjandi uppafturlívgan og 4 tímar í fyrstuhjálp í ferðslu fyri ungar prutlførarar.
- Endalig ástøðisroynd og verklig roynd verður á Akstovuni.
Krøv
Luttakarin skal verða 15 ár áðrenn 1. juni.
Luttakarin skal eiga ella hava møguleika at læna prutl, ið er skrásett sum lítið prutl (30 km/t) og er í lógligum standi
Tilmelding
Kostnaður
Kostnaður fyri skeiðið er kr. 1.500.
Íroknað skeiðsgjaldið er undirvísingartilfar og fyrstuhjálparskeið
Ein kostnaður fyri ástøðisroynd/verklig roynd og koyrikort á plastkortið kemur afturat skeiðsgjaldinum. Kostnaður fyri hetta er kr. 300.
Eru spurningar, ring til André Frederiksberg Danielsen, skeiðshaldara, á tlf. 221655