Bygdahúsið varð tikið í brúk fyrst í áttatiárinum.

Í 1996 keypti Sjóvar kommuna húsið og gjørdi ymsar umvælingar.

Bygdahúsið er karmur um so mangt. Har er m.a. ein vøllur, á stødd við ein flogbóltsvøll, og sum er nógv nýttur til ymisk bóltspøl, men húsið verður eisini nýtt til veitslur, dans, konsertir o.a. Biohøll er eisini í húsinum, ikki longur so nógv til filmvísan, men heldur til sjónleik, fundir fyrilestrar o.a.

Ymsir áhugabólkar leiga ávís rúm inni í húsinum. Harumframt heldur Ungmannafelagið Strálan til kjallarahæddini.

Strálan skipar fyri nógvum tiltøkum í húsinum, har ungfólk leita sær hvørt kvøld, at stytta sær stundir.

Kommunan rekur húsið.