Um havnirnar:

Sjóvar Havn fevnur um havnaløgini á Hulki, í Heygstøð, í Langanesi og á Selatrað.

Í Heygstøð er atløgusíða uppá 170 mtr. við 6 m. dýpið.

Í Langanesi er atløgusíða uppá 73 mtr., við tilhoyrandi ferjulegu, har er 4 - 5 m. dýpið.

Á Hulki eru tvey havnaløg, tað norðara havnalagið hevur eina atløgusíðu uppá 110 m., og eitt dýpið uppá 6-7 m. Tað sunnara havnalagið hevur eina atløgusíðu uppá 50 m. við 8 m. dýpi.

Á Selatrað er atløgusíða uppá 20 metrar og dýpið er 4,5 m.

Bátahylar:

3 bátahylar eru í kommununi, sum eru útgjørdir við ankringsteymum, vatni og ravmagni.

 
Við Sjógv eru pláss til 12 smábátar og atløgusíða til 2-3 deksfør á 10 tons. 



Bátabrúgvar til smábátar eru í Buldog.

Í Heygsstøð er bátahylurin útbygdur í jan. 2007, so betri umstøður eru fyri stórum bátum sum fáast við útróður. Beint við liggur egningarmiðstøðin hjá kommununi, har møguleiki er at leiga seg inn. Pláss er eisini fyri smábátum við flótibrúgvarnar.

Á Selatrað er pláss fyri 15 smábátum.

Andersens Beding er í Heygstøð á Strondum, hendan beding klárar bátar upp til uml. 80 tons.